Диво месо

  • Автор: Горан Стефановски
  • Режисер: Борче Начев
  • Информации:

    Кореографи: Алекандра Кочовска - Начева и Елена Антонова-Петровиќ
    Избор на музиката: Борче Начев; Алекандра Кочовска - Начева и Елена Антонова-Петровиќ
    Композитор: Албин Сопа

    Ко-продукциски проект помеѓу РСМ НУ Македонски народен театар и АРТ КУЛТ-УРА! 

    Голема благодарност и до ДМБУЦ „Илија Николовски – Луј“

    Проектот е поддржан од Министерство за култура и туризам на РСМ

  • Премиерна изведба: Петок, 27 Март 2026
  • Времетраење: 60 минути
  • Пауза: Не
  • Сцена: Голема
„Диво месо“ е силна метафора за луѓето кои, под притисок на бедата и стравот, го губат човечкото во себе и се претвораат во „диви тела“ што сакаат само да преживеат. Ова танцово –музичко - сценско парче уметност, нема да зборува само за минатото, туку и за секое друго време каде што човекот се соочува со неправда, апатија и морална празнина.
Со оваа танцова постановка наметнуваме едно вечно прашање: дали човекот може да остане човек, кога светот околу него се распаѓа? „Диво месо“ е предупредување и огледало за нас, за општеството и за човечката совест.
„Диво месо“ е драма за распаѓањето на човечноста во време на страв, глад и морална пустина.
Во танцовата верзија, зборот прераснува во движење,танц, гест и тело – затоа што токму телото е најсилниот симбол на ова дело. Телото што гладува, страда, молчи, преживува... станува „диво месо“
Постановката се темели на физички театар и современ танц, со елементи на длабока емотивна состојба на ликовите преку актерска игра. Моќниот вербален дијалог на Стефановски сведен на есенцијалните реплики во драмата (Ќе има војна! Доста беше и ваков мир!) се изразува со ритам, дишење, пулс, треперење на телата. Сцената се гради и распаѓа заедно со ликовите.

 

Виртуелна прошетка Музеј

БИЛЕТАРНИЦА:
+389.2.3230.304

АДМИНИСТРАЦИЈА:
+389.2.3216.725

АДРЕСА:
ул. 11 Март бр. 3, 1000 Скопје

e-mail: info@mnt.mk